هذا الموضوع خاص للبنات يعني اللي موه بنت <---- حلوه اللي موه بنت يطلع لو تكرم...حتى لو لبس شماغ ودخل كاشفه كاشفه...
(بس الله يخليكم مانبغا ا حد يقول عيب الكلام اللي تقوله لانه دي مشكله حاله ولازم نناقشها ) <--- التصريفه جاهزه
نظرا لزعل بنوتات المنتدى قررت اني انزل لهم موضوع اساعدهم شوي
واخليهم ماياخدوا بخاطرهم علي
عزيزتي المقبله على زواج (والله لآخرب بيوتكم يا تماسيح الغبره بس معليه )
هل تعانين من الخوف من ليلة الدخله ؟؟
هل انتابك للحظه انه سيحدث لك مكروه اذا بقيتي مع زوجك في اول ليله ؟
هل احترتي كيف تختارين الالفاظ المناسبه في اول ليله مع زوجك؟
اذا كان جوابك ياعزيزتي هو :- نعم
فاحسن شي تسويه تشربيي فليت او كاز وترتاحي
لا امزح انتي ووجهك اذا كان الجواب نعم فأحضري صحن فصفص ثم أقرأي الموضوع هذا
الفـــصـــل الاول :-
عندما يتصل بك خطيبك قبل الزواج ليطمئن على صحتك ويطمئن على اعدادات حفل الزواج(تايب يطمئن هااااااااااا الا قولي يكحل اذنه خخخخ )
كل مااتصل اعطي سماعة التليفون لاي واحد من اهلك وخليهم يقولوا مو موجوده عشان ينقهر وينقهرابو الشباب ويروح فيها
ويفضل تعطي السماعه لشغالتكم) واذا ماعندكم شغاله اشربي فليت احسن لك
واذا قدر الله ورديتي عليه بالصدفه
قولي له بكل حنان :- كوه كوه (يعني كح كح ) اهلا حبيبي وحشتني مراااا موووووت اهيه اهيه اهيه
طبعا اخينا في الله يتلعثم ولايعرف يجاوب انتي على طول قفلي في وجهه وسكري جوالك وحطي المشكله من الاتصالات وشبكتهم الزفت خخخخخخ
وعلى هذا الحال لحد ما تجي ليلة الدخله
عشان يجيك الرجال جاهز مستوي على نار هاديه
الفــــصل الثــــاني :-
وانتي ماسكه يده وداخله للغرفه والطقاقات طق طق خخخخخخ مبروك عرس القردين ليلة خميس طررق طررق <=== مااعرف تكملة الاغنيه
خليكي رافعه راسك في غرور (دحين ايش جاب كلمه الغرور دحين ) قصدي في غرور وعزه وبعدين شدي يدك على الاخر وزري على يده لحد ما تكسريها وحاولي توجهي له تهديدات خاصه مثل (كلها خمس دقايق ونكون لحالنا ياحلو انته يابو شعر مسبسب وطلعي لسانك مثل الكوبرا )
الفـــصـــل الثالث (والمتنيل بستين نيله) :-
ودوبكم قاعدين على السرير
لاتسوي نفسك مستحيه وتحطي اصبعك في فمك لاياحبيبة امك ماينفعشي الكلام دا لالالا شيلي الخرابيط من فمك (قصدي من راسك ) ) خليكى طبيعيه وكأنك طالعه البحر مع زميلاتك تركبواا على الدباب ابو كفر
طبعا اخينا في الله بيسوي جريء وبيقترب منك
لاتعطيه فرصه
نزلي الشيله (اي شيله ؟؟ ) قصدي نزلي الطرحه وانثري الشعر
والتفتي له بكل قوه مع ترك الشعر يتحرك بمجرد تحرك رأسك اللي كانه اسطوانة غاز
وقولي له بكل دلال ودلع ومياعه وحنيه وتنعيس العيون :- بتـــحـــبــــني يـــــابـــــرعـــــــي ؟؟
طبعا برعي (قصدي العريس ) بيروح في عينها وبيفغر فمه وبينسى يبلع ريقه وعلى ضوء عدم ابتلاعه لريقه راح ينزل بلاوي من فمه <<<وعععع الله يقرفك
عندها قومي واقفه واضحكي ضحكة فيفي عبده ههههيـــــي هاأأأأأو مع نظرات الدلال
بعدها برعي (العريس) بيسيح زياده وزياده عندها
عندها اقتربي منه وهو مبطح و طايح من الفغره وامسكي راسه بحنان وقربي منه اكثر واكثر
وهو بيقرب اكثر
وفجأه
وفجأه
ابتعدي عنه واتركيه وتوجهي لاخر الغرفه
وارفعي فستانك لحد ما تبان رجولك المعصلقه
طبعا برعي ماراح يتمالك نفسه وراح يقول رحماك ربي
==========================
==========================
فاصل اعلاني (سنعود بعد قليل) <--- احبك ياسبيس تون
معليش راح اقولكم في دا الفاصل حكايه سمعتها من زمان(حقيقيه) دوبوا متزوج ومع زوجته في الغرفه ويبغا يقرا الدعاء الخاص بالمتزوجين (الله يقطعه مادرسوه اياه عشان يستفيد ) وحط يده على راسها عشان يدعي المهم جا ي يقرا تذكر اخينا في الله انه نسى (حلوه تذكر انه نسى ) انه نسى الدعاء وقعد يحاول يمين يسار مافيش فايده
قام قال :- احم احم سبحان اللذي سخر لنا هذا وماكنا له مقرنين
=======================
=======================
عدنا
وانتي رافعه فستانك وعصاقيلك طالعه وابو الشباب قاعد يتشهد وانتي تضحكي ضحكات غريبه مادري من فين تطلع دي الضحكات
وتقتربي منه ببطء ببطء اكثر واكثر لحد ما توقفي جنبه
ثم يبدأ برعي في بلع ريقه (يخرب بيته من اول الموضوع مابلع ريقه )
ثم ينزل راسه يبغا يشوف عصاقيلك
بعدها صيحي بأقوى قوتك قولي :- يااااااااااااااااااااااااااااااع
وطيري في السما وسوبلكس خلفي على جبهته ةاسدحيه ارضا لحد مايقول للغنمه ياخاله
طبعا اخينا في الله بيحقد عليكي لكن لاتعطيه فرصه
اضحكي ضحكه تطرح الحمار من السما وقولي :- زعلت ياحياتي ؟؟
هو بيقول لالالالا ياحياتى افااااااااا عليكي بس هو انا أقدر (ابن اللذين بينسى بسهوله الدردومه اللي طلعت في جبهته من السوبلكس <<< مفضوحيين ياشباب )
اذا كان زوجك مدخن انا اضمنلك من المصايب اللي شافها اليوم راح يطلع سيجاره ويولعها
عاد انتي سوقى البياخه عليه وقولي هات سيجاره ياحياتي واغمزي بعينك وطلعي لسانك مثل الكوبرا
بعدها برعي بيسوي رجال عليك (امااااااااااا ايش هو الله ياخذك ) وبيقول :-
ماعندنا بنات تدخن اليوم دخان وبكره تسوقي دباب
انتي لاتزعلي ولا تنغاظي بالعكس اضحكي بكل قوتك افغصيه في جنبه وقولي حلااااااااااااوتك ياحمش انته ياحلو ياابيضاني هههههههههههههههههههاااااي وصفقي بكفك
هو راح يتنفخ راسه ويضحك
بالصدفه بالصدفه (طبعا ياغبيه مو بالصدفه لكن امك القويه مجهزه الوضع )
بتدخل عندكم بسه صغير وجربه وعنده برص حالته حاله
انتي طلى للبسه بعصبيه وقولي اهااااااااااا ماشالله ماشالله اليوم بسه وبكره اسد (حلوه اسد تذكرت عادل امام في مسرحية جعلوني متلحوسا )
قومي وانتي معصبه وتوجهي للوساده وطلعي المسدس من تحتها (مسدس فل كامل لمتد )
وطلقتين على البسه لحد ما تموت (وقنصي كويس لاتفضحينا )
طبعا برعي (اللي هو زوجك) بيحس انه اتورط وتزوج وحده من اتباع تنظيم القاعده
وعلى طريقة بنات الكاوبوي خذي المسدس وقربيه من فمك وانفخي فيه وبنظرات تحدي مشوبه بدلال ملعون والدين (بالله عليكم يمديكم على كلمة مشوبه ؟؟ ماتحسواااا انكم قاعدين تتكلموا مع شونق ينق لي رئيس الصومال ؟ )
واطلقي طلقه جنبه طبعا هو بيبكي ويقووووووووول خلاص انا راح اعترف انا راح اعترف
ترا اللي صدم البنقالي امس مو انا تراه صديقنا هو اللي كان مسرع وانا اقوله هد السرعه لكن ماسمع الكلام وقلت خلنا نسعفه لكنه هرب خلاص خلاص ارجوكي
<<<<(يوووه برعي يارقاله طلع خـــيــــخـــه )
لاتعبرينه ابد قولي اقول ولاكلمه انت ووجهك
شوف واسمع كلامي دا وما ماراح اعيده بعد كده
اول شي صحون وقدور الطبخ انت اللي تغسلها بعد كل وجبه مباشرة
ثاني شي كل يوم تطلعني نتفسح في القنينه خخخخ
ثالث شي لااشوف وجه امك الا في المناسبات المتعلق بنهاية كل قرن <000 دي مهمه مراااا خخخخ
رابع شي عيال مافيه الا بعد سبع سنين (كأنه صعب داااالشرط صح ؟ طبعا صعب اعرفك ماتصبري مو مشكله احذفيه )
خامسا ولا اقولك بلاش خامسا نكمل بكره لاني تعبااااااااااااااااان مررررررررره
واسكتي شويه والتفتي بسرعه له واصرخي بصوت يشبه صوت الرجال وقولي :- فاااهم ولا لأ ؟؟
هو بيقول ايوه طيب طيب فاهم طال عمرك فاهم والله والله فاااااااااااهم ويسترسل في البكاء
حتى لذة البكاء احرميه منهاواصرخى فيه وقولي اسكت ياثور ابغغغااااا انام
واضحكي زي ضحكة ابو لهب في المسلسل لما يقول (هعا هعا اها اها )
واليوم الثاني تصحيي من النوم تلاقيه يقول شبيك لبيك مادري ايش بين يديك
ههههههههههههههههههههههههههه
وييييييييييييي بس
لاتواخذوني الموضوع كتبته وانا مواصل وحالتي صعبه مره واتمنى انه مايعجبكم خخخخخخخ
تحياتي الشـ ـ ـ ـ ـهـ ـ ـ ـ ـ ــري
